http://www.rssboard.org/rss-specification 720 http://nitarthadigitallibrary.org/xtf/search?subject%3Dགླེགས་བམ།%20ཧཱུྃ༽;subject-join%3Dexact;smode%3Dsimple;brand%3Ddefault Results for your query: subject=གླེགས་བམ། ཧཱུྃ༽;subject-join=exact;smode=simple;brand=default Sun, 06 Mar 2022 12:00:00 GMT http://nitarthadigitallibrary.org/xtf/view?docId=tei/GJN003/GJN003.xml ༄༅། སྐྱེ་ཕྲེང་གསོལ་འདེབས་བཟང་པོ་ཀུན་འདུས་བཞུགས། ཨེ་མ་ཧོ། འཕགས་མཆོག་ཕྱག་ན་པདྨོའི་ཐུགས་རྗེ་ལས། །ལེགས་འཁྲུངས་གསེར་གྱི་ལག་དང་མཛེས་པའི་ཏོག །གནག་རྫི་གྲུབ་ཆེན་ནོར་བུ་གོ་ལེབ་དང་། །པཎ་ཆེན་ནག་མོའི་ཁོལ་ལ་གསོལ་བ་འདེབས། །བོད་ཡུལ་མཁས་དབང་ཐུ་མི་ཨ་ནུའི་སྲས། །ལ་སུམ་རྒྱལ་བ་བྱང་ཆུབ་གྲུབ་པའི་རྗེ། །པུཎྱེ་ཤྲཱི་ཡེ་རེང་མི་ཡི་དབང་། །བློ་གསལ་བསྟན་སྐྱོང་རྣམས་ལ་གསོལ་བ་འདེབས། །ཀོང་མོ་ཚེ་ལྷ་གང་འབྲེལ་དོན་དང་ལྡན། །སྲིད་སྡེ་དགེ་བའི་ས་སྐྱོང་རྒྱལ་བསྟན་འཛིན། །བློ་གྲོས་རིན་ཆེན་ཟབ་ཆོས་གཏེར་ལ་དབང་། །དབོན་སྤྲུལ་ཀུན་བཟང་གཉིས་པར་གསོལ་བ་འདེབས། །གང་དེའི་ཡང་སྲིད་རབ་བྱུང་གསར་རྙིང་གཉིས། །སྔགས་སྤྱོད་གཅིག་བཅས་གསུམ་གྱི་རྗེས་མ་ཉིད། །སྦས་ཚུལ་བསྟན་འགྲོར་ཕན་པའི་ལྷག་བསམ་ཅན། །འཇིགས་མེད་རྣམ་རྒྱལ་བཟང་པོར་གསོལ་བ་འདེབས། །དེ་ལྟར་ཡིད་གཉིས་སྤངས་ནས་གསོལ་བཏབ་མཐུས། །བདག་སོགས་དཀར་ནག་ལས་སྨོན་འབྲེལ་བ་ཀུན། །གནས་སྐབས་ཀེགས་ཞི་བསམ་དོན་ཡིད་བཞིན་འགྲུབ། །མཐར་ཐུག་དོན་གཉིས་འབྱུང་བར་བྱིན་གྱིས་རློབས།། ཞེས་འདི་གཡུང་དྲུང་སྐལ་བཟང་ནན་བསྐུལ་ངོར། །ཀུ་ཀུའི་མཆེ་བར་གསོལ་བཏབ་རྒན་མོ་གྲོལ། །ཁྱི་སོར་རིང་བསྲེལ་བྱུང་བའི་དཔེ་བཞིན་དུ། །གཞན་ལ་ཕན་ཕྱིར་སྔགས་སྨྱོན་རང་གིས་བྲིས།། http://nitarthadigitallibrary.org/xtf/view?docId=tei/GJN003/GJN003.xml Thu, 01 Jan 1970 12:00:00 GMT